“İstənilən halda “Neftçi”nin məqsədi çempionluqdu”

“Gözümün altındakı zərbəni oyunda yox, dünən məşqdə aldım”, Bunu Futbolxeber.az saytına verdiyi açıqlamada “Neftçi”nin müdafiəçisi Elvin Yunuszadə deyib.

AZAL-ı 4:0 hesabı ilə darmadağın etdikləri oyun haqda danışan gənc futbolçu, layiqli qələbə qazandıqlarını bildirib: “Maraqlı oyun alındı. Matçın əvvəlində AZAL bizdən geri qalmamağa çalışırdı. Amma sonradan üstünlüyü tam ələ aldıq. Bunun da nəticəsində ard-arda qollar vurduq. Həm birinci, həm də ikinci hissədə. Bu qələbəyə tam layiq idik”.

Elvin Yunuszadə qeyd edib ki, hər zaman olduğu kimi “Neftçi”nin məqsədi yenə də çempionluqdur: “Turnir cədvəlinin yuxarı pillələrində sıxlıq olması müsbət haldı. Bu, çempionatda gərginliyin artmasının göstəricisidir. İstənilən halda “Neftçi”nin məqsədi çempionluqdu”.

“Neftçi”nin vitse-kapitanı rəqibin meydana motivasıyasız çıxması fikrini qəbul etməyib: “Belə deməzdim. AZAL da qələbə qazanmaq istəyirdi. Sadəcə, biz gün çox gözəl oynadıq. Rəqibə göz açmağa imkan vermədik”.