Ölkə futbolu
"Heç bir hakim deyə bilməz ki "Xəzər Lənkəran" mənə rüşvət verib"
"Xəzər Lənkəran"ın idman direktoru Babək Quliyev Futbolxeber.az saytına müsahibə verib.
- "Bakı" klubu ölkə kuboku çərçivəsində "Xəzər Lənkəran"a qarşı keçirilən oyununun baş hakimi Elçin Məmmədovun idarəçiliyindən narazı qalıb. Bu məsələyə münasibətinizi bilmək istərdik.
- Mən bu fikirlərlə tanışam. Amma deyilənləri qəbul etmirəm. Açıq şəkildə bəyan edirəm ki, "Xəzər Lənkəran" heç bir hakimə rüşvət verməyib, heç vaxt da verməyəcək. Əslində Elçin Məmmədov bizə qarşı çox haqsızlıq etdi. Əsasən də ikinci hissədə.
- Konkret olaraq, hansı məqamlardan narazı qalmısınız?
- Mən özüm də hakim olmuşam və oyun qaydalarını çox yaxşı bilirəm. Elçin Məmmədov oyunun gedişində "Bakı"nın lehinə çox qərarlar verib. "Bakı"nın vitse-prezidenti Zeynal Məmmədovun açıqlamaları ilə tanışam. Zeynal müəllim deyir ki, qırmızı vərəqələr verilməliydi. Mən bu fikirlə razı deyiləm. Elnur Allahverdiyevin birinci hissədə aldığı sarı vərəqə çox kobud səhv idi. Bizim oyunçumuz həmin epizodda açıq ayaqla topa oynamışdı, oyunçuya yox. Topu da vurub, uzaqlaşdırmışdı. Ancaq Elçin Məmmədov həmin epizodda cərimə zərbəsi təyin etdi və sarı vərəqə verdi. Yaxşı, tutaq ki, təhlükəli oyuna görə cərimə zərbəsini təyin etdin, bəs, sarı vərəqə nədir? Elnur Allahverdiyevin meydançanın mərkəzində olan epizoduna gəlincə, orada heç bir cərimə zərbəsindən söhbət getmirdi. O təmiz olaraq rəqib futbolçunun ayağından topu çıxardı. Elçin Məmmədov ümumiyyətlə, orada cərimə zərbəsi təyin etməkdə haqsız idi. Hər insanın öz fikri var. Zeynal müəlim deyir ki, Elçinə kimsə rüşvət verib.Tam əminliklə söyləyirəm ki, "Xəzər Lənkəran" klubu olaraq bizim adımız rüşvətlə yanaşı hallana bilməz. Bunlar boş söhbətlərdi, heç bir hakim deyə bilməz ki "Xəzər Lənkəran" mənə rüşvət verib.
- "Bakı"nın narazı qaldığı epizodlardan biri də vurulan birinci qolla bağlıdır. Ağabala Ramazanovun fərqləndiyi epizodda hakimin əlavə etdiyi vaxtın bitdiyi iddia olunur. Ümumiyyətlə, bir hakim kimi fikrinizi öyrənmək istərdik. Əgər, komanda hücumdadırsa, hətta vaxt qurtarıbsa belə, hücum davam etməlidir, yoxsa oyun dayandırılmalıdır?
- Əgər, hakimin əlavə etdiyi vaxt bitibsə və komanda hücumdadırsa, həmin hücumu saxlamaq olmaz. Bu, UEFA-nın, FİFA-nın qaydalarıdır. Biz də hakimlik etmişik, belə şeyləri çox yaxşı bilirik. Tutaq ki künc, ya cərimə zərbəsi yerinə yetirilir, ya komanda təhlükəli hücumdadırsa, o zaman bu hücumun qarşısını almaq olmaz. Oyunu yalnız hücum bitdikdən sonra saxlamaq olar. Mən Zeynal müəllimi başa düşürəm, o hirslənib, o qədər komandaya pullar xərclənib, amma əvəzində nəticə qazanılmır. Mən onu anlayıram. Amma oyun qaydaları var. Azərbaycanda da futbol qaydalarını bilən insanlar var. Onlardan biri də elə özüməm. İstedadlar qrupunda olmuş hakiməm, keçmiş FİFA referisiyəm. Bunları çox yaxşı bilirəm. Birinci qola görə nəsə demək artıq şeydi.
- Kubokun ilk oyununda "Xəzər Lənkəran" açıq-aşkar "Bakı"dan zəif görünürdü. Bunu oyundan sonra Con Toşak da, elə siz özünüz də etiraf etdiniz. Amma cavab görüşündə biz tamam başqa "Xəzər Lənkəran" gördük. Qısa zamanda komandada nə dəyişdi? Nə etdiniz ki, "Xəzər Lənkəran" birdən-birə güclü təsir bağışladı?
- Nə etdiyimizi sizə deməyəcəyəm (gülür). Amma uşaqlara, eləcə də azarkeşlərimizə "çox sağ olun" deyirəm ki, gəldilər və Azərbaycanda 1 nömrə olduqlarını göstərdilər. Oyundan sonra da gördünüz ki, necə izdiham yaşandı meydanda. Komandada çətin dönəm idi. Amma huna baxmayaraq, uşaqlar öz güclərini toplayaraq, futbol oynaya bildiklərini göstərdilər. Bu da rəhbərlik olaraq bizi sevindirir. Oyundan öncə Mais müəllim, Tuyqun müəllim də komandanı qələbəyə səslədilər, uşaqları motivasiya etdilər. Bütün bunların qarşılığında da komanda çıxdı, öz oyununu göstərdi. Göydə Allah var. Futbolu başa düşən insanlar bilir ki, "Xəzər Lənkəran" öz gücünə, layiqli şəkildə qələbə qazandı. Yadınıza gəlirsə, ilk oyunda uduzduqdan sonra mən dedim ki, Vüsal Əliyev bizim qapımıza düzgün penalti təyin etmişdi. Yəni nə düzdü, onu da deyirik. Bir daha təkrar edirəm, mən Zeynal müəllimi anlayıram. Onlar futbolun inkişafı üçün böyük işlər görürlər, komanda nəticə qazana bilməyəndə də narazı qalırlar. Mənim özümün Zeynal müəllimlə münasibətim yaxşıdır. Eləcə də bizim klub rəhbərliyinin "Bakı" rəhbərliyi ilə yaxşı münasibətləri var.
- Hazırda Avroliqaya yollanmaq üçün "Xəzər Lənkəran"ın taleyi öz əlindədir. Amma "Neftçi"nin çempionluğu sizin finaldakı nəticədən asılı olmayaraq, Avropaya gedən yolunuzu açacaq. Həqiqətənmi "Xəzər Lənkəran" əzəli rəqibi "Neftçi"nin çempionluğunu istəyir?
- Biz "Neftçi" ilə əzəli rəqibik. Necə ki, Türkiyədə "Qalatarasay"la "Fənərbaxça". Bu dəfə də kubokun finalında qarşılaşacağıq. Yəni ki, həlledici oyundu. Kuboku heç kim əldən vermək istəməz. Qaldı ki, "Neftçi" çempion olar-olmaz, bu, onların öz işidi. Bizim əsas hədəfimiz kuboku qazanmaqdı. Biz kubokun 1 addımlığındayıq.
- Baş məşqçi Con Toşakın oğlu Kameron Toşak bir necə gün əvvəl komandaya qoşuldu və hətta "Bakı"ya qarşı keçirdiyiniz ilk kubok matçını da tribunadan izlədi. Amma bu gün onu komandanın məşqində görə bilmirik...
- Kameron Toşak gəldi, komandadakı şəraitlə tanış oldu. Onun səfəri tanışlıq məqsədi daşıyırdı. 1 həftə qaldı, vəziyyətlə yerindəcə tanış oldu. İndi qarşıdakı günlərdə öz fikrini deyəcək.
- Belə başa düşdüm ki, onun komandada işləyəcəyi hələ dəqiq deyil?
- Yox, hələ bilinmir.
- O komandaya gəlməsə, əvəzinə başqa mütəxəssis dəvət olunacaq?
- Mən bunu dəqiq deməkdə çətinlik çəkirəm. Çünki bütün səlahiyyətlər Toşakdadır. Mübariz bəy də (klubun fəxri-prezidenti Mübariz Mənsimov nəzərdə tutulur-red.) demişdi ki, bütün qərarları Toşak qəbul edəcək. Həm məşqçilər korpusu ilə bağlı, həm də futbolçularla. Hər şey onun öhdəsindədir. Hansı qərarı qəbul etsə, biz də ona hörmətlə yanaşacağıq.
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- Milli komandamızın yeni baş məşqçisi müəyyənləşib: Mayın əvvəli Bakıya gəlir
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- Asif Məmmədov: “Kimsə bunu sübut etsə, üzr istəməyə hazıram”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Rövşən Nəcəf: “Etimadı doğrultmaq üçün əlimdən gələni edəcəm”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Prezidentin nəvəsindən Qara Qarayevə dəstək
- Basketbol federasiyasının diqqətinə: Təhlükəsizliyə bu qədər biganə yanaşmaq olmaz!
- Azər Bağırov: “Futbolçular tapşırıqları icra etmirlər”
-
18:28
"Bağçam"ın IV Şahmat Festivalı başa çatdı
-
17:50
U-17 millimiz Özbəkistana məğlub olub
-
17:36
AFFA Premyer Liqa klublarının maliyyə menecerləri üçün seminar keçirib
-
17:14
Heydər Əliyevin anadan olmasının 101-ci ildönümünə həsr olunmuş futzal turniri başlayıb
-
16:43
Əliyar Ağayev Fatih Terimin komandasının oyununda
-
16:27
Ağadadaş Salyanski: “Bojoviç nə qərar versə, o da olacaq”
-
16:05
Şahin Bağırov Bərdədə voleybol klubunun ilk məşqini izləyib
-
15:52
Azərbaycanlı basketbol məşqçilərinə sertifikatlar təqdim olunub
-
15:38
PSJ-nin prezidenti "Qarabağ"ı təbrik etdi
-
15:11
"Qəbələ"nin futbolçusu əməliyyat olunub
-
14:49
Azərbaycanın üç bədii gimnastı Bolqarıstandakı turnirdə iştirak edəcək
-
14:04
PFL hakim təyinatlarını açıqladı
-
13:56
Juninyo: "Qarabağ"la 2 illik müqaviləm var, amma...”
-
13:25
Akrobatika gimnastikası üzrə ölkə birinciliyi və Bakı çempionatı start götürüb
-
13:12
AFFA rəsmisi UEFA-nın iclasında iştirak edib
-
13:00
Matias azarkeşlərdən üzr istədi, boykotu düzgün saymadı: “Klubun adı oyunçulardan üstün olmalıdır”
-
12:33
Musa Qurbanlı: "Yayda nələr olacağını birlikdə görəcəyik"
-
11:49
Üzgüçülük üzrə açıq Azərbaycan çempionatı start götürüb
-
11:27
Azərbaycanın idman gimnastı Dünya Kubokunda finala yüksəlib
-
11:14
"Atalanta" İtaliya kubokunun finalında VİDEO
-
11:06
Finalda təkrarlanan 6-cı cüt
-
10:58
"Mançester Yunayted" 3 xalı 4 qolla qazandı VİDEO
-
10:45
Patrik Andrade: “4 qolluq qələbələr üzümüzü güldürür”
-
10:32
"Trabzonspor" finala yaxınlaşdı VİDEO
-
10:23
“Qarabağ” “Neftçi”yə çatdı
-
10:11
Çempionluq yolunda "Liverpul"a ağır zərbə VİDEO
-
09:59
Azərbaycan kubokunda yeni rekord
-
09:47
PSJ-dən 4 qollu qələbə VİDEO
-
09:30
"Qəbələ"də 300-cü oyun
-
22:39
Qurban Qurbanov: “Bəli, mənə müəllim, hoca deyirlər, amma...”
-
22:14
Bojoviç: “...gözləmək lazımdır”
-
22:00
Avropa çempionatı: Azərbaycan boksçusu yarımfinala vəsiqə qazanıb
-
21:48
"Zirə" və "Qarabağ" finalda
-
21:26
"Qarabağ" - "Neftçi" matçında 5 qol VİDEO
-
20:11
Sxadadze: “Zirə” həm yaxşı oynadı, həm də xarakter göstərdi”
-
19:23
"Zirə"ni finala yüksəldən qələbə VİDEO
-
18:57
Rəşad Sadıqovdan qələbə şərhi VİDEO
-
17:05
Azərbaycan avarçəkəni Türkiyədə iki medal qazanıb
-
16:48
Region Liqası: Finalın yeri və başlama saatı müəyyənləşib
-
16:12
“Qəbələ” - “Zirə”: Heyətlər açıqlandı
-
15:24
Zubir Liqa 1 klubunun hədəfində
-
15:09
Naxçıvan Futbol Federasiyasının sabiq baş katibi vəfat edib
-
14:56
“ETOPAZ”ın baş sponsorluğu ilə “Fire League”da növbəti tur başa çatıb FOTOLENT
-
14:30
“Zirə”nin kapitanı: “Məqsədimiz finala çıxmaqdır”
-
14:03
"Səbail" məşqlərini davam etdirir FOTOLENT
-
13:41
Azərbaycan avarçəkənləri Avropa Olimpiya Təsnifat Reqatasında iştirak edəcəklər
-
13:27
Azərbaycanın stolüstü tennisçisi Belçikada bürünc medal qazanıb
-
12:55
Azərbaycan çempionatında ikinci finalçı müəyyənləşib
-
12:34
"Yurqorden" rəsmisi Musa Qurbanlının gedişini istisna etmədi
-
12:19
"Neftçi" "Qarabağ" önünə iki itki ilə çıxacaq