Ölkə futbolu
Çempionatı oyuncağa çevirən kimdir və ya oyuncaq çempionat kimə sərfəlidir?
Azərbaycan çempionatına maraq çox azdır. Bunu oyunların rəsmi protokulunda “tamaşaçı bölümü”ndəki tükürpədici rəqəmlər də sübut edir. Avropanın aparıcı demirəm, hətta ortabab birinciliklərində 2-3 oyunun azarkeş sayını, biz bütöv dövrə ərzində, 45-50 matça yığırıq. Çempionluq uğrunda mübarizə aparan komandaların görüşünə 300-500 tamaşaçı gəlirsə, təbii ki, yekun elə bu cür də olmalıdır.
Niyə belədir? Futbolun hazırkı cavabdehləri bu barədə danışanda deyirlər ki, bizdə elə həmişə belə olub. İnsafən, müəyyən dərəcədə haqlıdırlar, yəni 3-5, hətta 13-15 il əvvəl də bu sarıdan korluq çəkmişik. Amma dünənki çatışmazlıqlara söykənib, özünə haqq qazandırmaq kökündən yanlış yanaşmadır. Və hazırkı “futbol iqtidarı” o kreslolarda ona görə əyləşdirilməyiblər ki, bizdə nəticələrin həmişə aşağı olmasını, futbolçuların topu qapıdan keçirməyə daim çətinlik çəkməsini, öz qapısını rəqibin üzünə səxavətlə, taybatay açmasını, bir sözlə, sadalanan və sadalanmayan fəlakətlərin milli futbolun başı üzərindən heç əskik olmamasını xatırlatsınlar.
Tərəqqi dünənki nöqsan və qüsurların aradan qaldırılmasından keçir. Bəs, çatışmazlıqları kim aradan qaldırmalıdır? Komanda zəif oynayanda bacarıqlı əcnəbi futbolçular hesabına gücləndirilir. Amma nə edək ki, milli federasiyaların idarəçilik məsələsində legionerlik təcrübəsi yoxdur. Varsa da, şəxsən mən bilmirəm, eşitməmişəm. Amma olsa, pis olmazdı, “dünyəvi inkişaf konsepsiyası”ndan yararlanar, irəli gedərdik...
Bu yaxınlarda bir yazı ilə bağlı araşdırma aparırdım, gözüm 2004/05-ci il mövsümünun Bakıda keçirilən “Neftçi” - “Xəzər Lənkəran” görüşünün protokoluna sataşdı – mayın 11-də Tofiq Bəhramov adına respublika stadionunda keçirilən görüşü 21.000 tamaşaçı izləyib. Maraq mənə güc gəldi və həmin il çempionluq uğrunda yarışan komandaların oyunlarının tamaşaçı sayını nəzərdən keçirdim. Məlum oldu ki, adıçəkilən klublarla yanaşı, “Karvan”, “Turan”, “Qarabağ”, “Bakı”nın iştirakı ilə keçirilən qarşılaşmalarda da əməlli-başlı ajiotaj olub. Gəncədə “qızıl oyun” isə 25 min azarkeşin “şahidliyi” ilə reallaşıb.
Deməli, bütün təqsiri azarkeş qədirbilməzliyində axtarmaq nəinki düzgün deyil, hətta obyektivlikdən çox-çox uzaq mövqedir. Komandalar futbolla oynamayıb, futbol oynasa, tamaşaçı da gələr, ürəkdən azarkeşlik də edər.
Ancaq hazırkı reallıq ondan xəbər verir ki, yarıtmaz idarəçilik oyunların həqiqi idman mübarizəsi şəraitində keçməsinə inamı elə qırıb ki, şaxələnmiş yaranın sağalması həm çətindir, həm də xeyli vaxt tələb edir.
Yarıtmaz idarəçilik dedik. Əslində, məsələ bununla bitsəydi, dərd yarı idi, düşünərdin ki, cavabdehlərin futbol biliyi elə bura qədərdir və bu “dağarcıq”la bundan artığını etmək də, sadəcə, mümkünsüzdür. Amma ən pisi odur ki, burada söhbət məqsədli yarıtmaz idarəçilikdən gedir.
AFFA-nın indiki yiyələri sələflərini tənqid edərkən deyirlər ki, onlar çempionu, kubokun sahibini, avrokuboklara vəsiqə verən yerləri əvvəlcədən bölüşdürürdürlər, ona görə milli futbol axsayırdı.
Bəs, indi necə, vəziyyət dəyişibmi? Məncə, müəyyən dəyişiklik var, lakin inkişaf mənasında yox. Turnirin gedişində baş verənlər bizi xeyli şübhəli məqamların şahidi edir. Təəssüf ki, onların sübutu mümkün deyil, çünki alış-veriş edənlər, alış-veriş etdiklərini boyunlarına alarlarmı, heç?! Həm də onların güclü “arqumentləri” var – dediklərini sübut elə! O sübutu, o dəlili haradan tapasan ki, alan almadığını, satan da satmadığını deyir, özü də pıçıltı ilə yox, gur səslə, hündürdən, hamının, hətta UEFA və FİFA-da eşidiləcək tərzdə yüksəkdən, bağırtı ilə...
Ancaq elə məsələlər var ki, orada ən güclü sübut, ən kəsərli dəlil məntiqdir. Məntiq isə həyatı “Sağ ol” pul deyil, onu xərcləmək olmur, cibindəkiləri çıxart” prinsipi ilə yaşayanlar üçün gərəksiz, əhəmiyyətsiz və heç nəyə yaramayan istinad nöqtəsidir.
“Bazar psixologiyası ilə işləmək, insanlarda bazar xarakteri formalaşdırır”, - deyənlər hədəfi düz nişan alıblar. İndi bizim futbol çempionatında – premyer liqa demirəm, ingilislərdən ayıbdır – idman prinsipləri də, onun qorunması da məhz bazar təfəkkürü ilə həyata keçirilir. Bunun məntiqi nəticəsidir ki, artıq neçənci ildir birinciliyin ən qızğın çağında güclülər dəstəsini heç kimin tərk etməyəcəyi məsələsi gündəmə çıxarılır. Azərbaycan reallığında ölkə çempionatının yuxarı eşelonunda yarışı 10 komandanın iştirakı ilə dörd dövrədə keçirməyi ən optimal variant kimi qəbul edən, onu hər vəchlə əsaslandırmağa çalışan AFFA rəhbərliyi indi fikrini dəyişib, “12 klub yaxşıdır” deyir. Görünür, yeni iki “yağlı tikə” ortaya çıxıb.
AFFA İcraiyyə Komitəsinin iclasından sonra ən yüksək səviyyədə səslənən fikrə fikir verək: “Çempionatda komanda sayı artırılsa, formatı fikirləşmək problem deyil”. Şərhə ehtiyac varmı? Əlbəttə, problem deyil, çünki milli futbol çempionatımızı oyuncağa döndəriblər – özü də plastilin kimi hər şəklə düşə bilən oyuncağa, istəyəndə dartıb uzadırlar, istəməyəndə yığıb gödəldirlər.
Bundan sonra “Rəvan” və “Sumqayıt”ın oyunlarının hansı məcrada keçəcəyini təsəvvür etmək çox asandır. Elə ən çox anlaşılmayan məqamlardan biri də qərarın mövsümün başa çatmasına dövrəyarım qalmış açıqlanmasıdır. Bu, onsuz da sönük keçən çempionata olan-qalan marağa daha bir sarsıdıcı zərbədir. Daxildən endirilən belə öldürücü zərbəni kənardan endirmək heç cür mümkün deyil. Və qurşaqdan aşağı zərbələri, bir qayda olaraq, artıq neçə illərdir səlahiyyət sahibləri endirir.
Yüksək liqanı tərk etmək qorxusu... Belə bir qorxu bizim klublar üçün yoxdur – o hisslər çoxdan ölüb, daha doğrusu, öldürülüb. Birinci dəstədən yüksəlməyə can atmaq istəyi də həmçinin. Elə olmasaydı, aşağı eşelonda qalib gələn klublarımız yüksək liqada oynamaq istəməməsinin yuxarıların anlaşıqlı (?!) qarşılamasını xahiş-minnət eləməzdi.
Sizinlə həmsöhbət mən idim...
Rövşən BİNNƏTLİ, Qol.az
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- AFFA prezidentliyinə və İcraiyyə Komitəsinə namizədlər açıqlandı
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- Rövşən Nəcəf: “Etimadı doğrultmaq üçün əlimdən gələni edəcəm”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- AFFA prezidentliyi ilə bağlı son durum - hər şey böhran vəziyyətinə doğru?
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
- Prezidentin nəvəsindən Qara Qarayevə dəstək
- Minifutbol millimizin heyəti narazılıqla qarşılandı, baş məşqçi danışmaq istəmədi
- Bəhlul Mustafazadə: “Millidə bütün futbolçular ikiqat çalışırlar”
-
20:15
"Sumqayıt" Tovuzdan qələbə ilə qayıdır VİDEO
-
19:58
Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
-
19:31
Samir Abasov: “Bu gün bizi bu yerdə görmək heç kim üçün xoş deyil”
-
18:26
"Sumqayıt” II pilləyə yüksəldi
-
16:42
Azərbaycan gimnastı: “Karyeramda ən böyük dəstəkçim anamdır”
-
16:07
PFL-in prezidenti: “Qəzadan sonra 9 dəfə əməliyyat olundum”
-
15:54
Tovuzda heyətlər açıqlandı
-
15:23
MOK-da Baham adaları Olimpiya Komitəsinin vitse-prezidenti ilə görüş olub
-
14:15
Azərbaycan atıcıları Olimpiya Təsnifat Çempionatında çıxış edəcəklər
-
13:46
Andersson azarkeşlərə səsləndi: “Boykot narazılığı ifadə etmək üçün ən yaxşı üsul deyil”
-
13:39
“Bojoviçin komandada qalıb-qalmaması mənim fikrimdən asılı olacaq”
-
13:28
“Neftçi”nin idman direktoru maaşını açıqlamaq istəmədi
-
13:20
Yens Andersson: “Sizə söz verə bilmərəm ki, qruplarda oynayacağıq”
-
12:57
"Qəbələ" Abu Akalla vidalaşdı
-
11:14
XXXI turun hakim təyinatları
-
10:31
Azərbaycanın stolüstü tennisçisi beynəlxalq turnirdə bürünc medal qazanıb
-
10:06
Mükafatlar uğrunda oyunların tarixləri müəyyənləşib
-
09:49
"Aston Villa" penatilərlə mərhələ adladı VİDEO
-
09:28
"Fənərbaxça" Konfrans Liqası ilə vidalaşdı VİDEO
-
09:10
İddiaçılar Turniri: Nicat Abasov yenə də uduzdu
-
19:01
“Turan Tovuz” azarkeşlərə səsləndi: Finala bərabər son 6 oyun! VİDEO
-
18:49
“Dinamo” - “Qusar” matçında 4 qol
-
18:16
I Liqada 22-ci tura yekun vuruldu
-
17:32
“Sumqayıt” “Turan Tovuz”la oyuna hazırdır FOTOLENT
-
16:55
Azərbaycan çempionatında ikinci finalçı müəyyənləşib
-
16:24
Hakimlər “kimə işləyir”? - Araşdırma
-
15:47
U-17 millisinin heyətində dəyişiklik
-
15:33
"Neftçi" Zirə” səfərinə hazırlaşır FOTOLENT
-
15:00
Tovuz stadionu ilk dəfə avrokubok oyununu qəbul edə bilər
-
14:28
Azərbaycan şahmatçıları Avropa çempionatında iştirak edəcəklər
-
14:11
Azərbaycanlı hakim Paralimpiadanın cüdo yarışlarına dəvət alıb
-
13:39
Azərbaycan Şahmat Federasiyası yeni loqonun hazırlanması ilə bağlı müsabiqə elan edib
-
13:08
AFFA İntizam Komitəsi iki kluba texniki məğlubiyyət verib
-
12:52
Adi Mehremiçə 4 oyunluq cəza
-
12:46
“Qəbələ”nin meneceri cəzalandırıldı
-
12:40
AFFA 2 klubu cərimələdi
-
12:27
UEFA kursunu uğurla başa vuran qadın məşqçilərə diplomlar təqdim olunub
-
11:54
“Neftçi” ilə oyunda bəxt üzümüzə gülmədi"
-
11:33
U-17 millimiz İnkişaf turnirində iştirak edəcək
-
11:05
Azərbaycan millisinin kapitanı Macarıstan çempionu olub
-
10:56
Məhəmməd Muradlı liderliyini davam etdirir
-
10:42
Azərbaycan cüdo millisinin Polşa toplanışı başa çatıb
-
10:29
“Azərreyl”in kapitanı: "Hədəfimiz çempionluqdur"
-
10:18
Azərbaycan gimnastları Dünya Kubokunda finala yüksəliblər
-
10:03
"Real" "Mançester Siti"ni mübarizədən kənarlaşdırdı VİDEO
-
09:47
UEFA inspektoru "Turan Tovuz"un stadionuna baxış keçirdi
-
09:30
İddiaçılar Turniri: Nicat Abasov yenə uduzdu
-
18:51
“Paris-2024” Yay Olimpiya Oyunlarının startına 100 gün qalıb
-
18:28
17 yaşadək güləşçilər arasında Azərbaycan çempionatı keçiriləcək
-
18:07
“Xəzri” finalda