Moyes Foqtsdan danışdı

"Mançester Yunayted"in baş məşqçisi Devid Moyes milli komandamızın baş məşqçisi Berti Foqtsun Şotlandiyanı çalışdırdığı vaxt Ueyn Runini milliləşdirmək istəyini açqılamasına münasibət bildirib. Futbolxeber.az-ın məlumatına görə, Moyes həqiqətən də Foqtsun belə istəkdə olduğunu təsdiqləyib: "Berti Foqtsun Şotlandiya yığmasında baş məşqçi olduğu vaxt Ueyn Runini milliyə çağırmaq istədiyini yaxşı xatırlayıram. "Everton"da çalışdığım həmin vaxt mən də onun bu komandanı seçməsinin tərəfdarı idim. Runinin Şotlandiya yığmasına cəlb olunmasına vasitəçi olmağa çalışırdım. Onun nənəsinin şotlandiyalı olduğunu bilirdim. Az qala Ueyni bunu etməyə məcbur edəcəkdim. Təəssüf ki, Foqtsla birgə səylərimiz fayda vermədi və biz Runini Şotlandiyada oynamağa razı salmağa nail olmadıq”.