Paşayev 90 dəqiqə meydanda oldu

Ukrayna Premyer Liqasında qış fasiləsi başa çatıb.

Futbolxeber.az saytının məlumatına görə, 14-cü tur çərçivəsində Azərbaycan yığmasının müdafiəçisi Pavel Paşayevin çıxış etdiyi “Aleksandriya” səfərdə “Mariupol”la qarşılaşıb. Futbolçumuzun komandası bu oyundan qələbə ilə ayrılıb - 1:0.

Paşayev start heyətdə meydana çıxıb və sonadək mübarizə aparıb. Millimizin üzvü 65-ci dəqiqədə sarı vərəqə ilə də cəzalanıb.

Qeyd edək ki, “Aleksandriya” 14 turdan sonra 19 xalla 14 kollektiv arasında 6-cı pillədə qərarlaşıb.