27 Yanvar 2021, Çərşənbə
“Keşlə”də yeni məşqçi təyinatı
"Azərbaycan qrupun favoritidir"
Rəşad Sadıqovdan qələbə şərhi
Canni De Byazi Bakıya qayıtdı

Xarici futbol

De Byazi: “İbrahimoviç Ronaldodan daha qətiyyətlidir”

Millimizin baş məşqçisi Canni De Byazi İtaliya mətbuatına müsahibə verib.

Futbolxeber.az saytının məlumatına görə, müsahibə zamanı o,  əvvəlcə İtaliya A seriyasında komandaların çempionluq şansları haqda danışıb: "Mövsümün hazırkı mərhələsində kimin favorit olduğunu demək çətindir. "Yuventus" hər zaman hamının məğlub etmək istədiyi komanda olacaq".

İtaliyalı mütəxəssis 8 turdan sonra 20 xalla turnir cədvəlinə başçılıq edən "Milan"ın çıxışına təəccübləndiyini bildirib: "Baş məşqçi Stefano Pioli gənclərdən maksimum yararlanaraq, yaxşı balans yarada bilib. "Milan"da gənc bir komanda var. Komanda bu mütəxəssislə uzağa gedə bilər. Amma "İnter"ə diqqət etmək lazımdır. Çünki keyfiyyətli klubdur. Antonio Konte təcrübəsi və qətiyyəti sayəsində daha yaxşını edə bilər. Mövsümün sonunda "Milan", "Yuventus", "İnter" və "Roma"nın Çempionlar Liqasına vəsiqə qazanacağını düşünürəm".

Byazi "Milan"ın hücumçusu Zlatan İbrahimoviçlə "Yuventus"un oyunçusu  Kriştiano Ronaldonu müqayisə edib: "İbrahimoviç Ronaldodan daha qətiyyətlidir. “Yuventus” Ronaldusuz da güclü olacaq. Kriştianonun əhəmiyyətini azaltmaq istəmirəm. Çünki bu, axmaqlıq olardı (gülür). Amma xarakterinə görə İbrahimoviç "Milan"ın mütləq lideridir. O, baş məşqçiyə həm gənc futbolçuları, həm də paltardəyişmə otağındakı vəziyyəti idarə etməkdə köməklik göstərir. O, eyni zamanda bir çox gənc istedadın idarə edilməsində də məşqçiyə kömək edir".

64 yaşlı çalışdırıcı Ronaldo və İbrahimoviçin tamamilə fərqli xüsusiyyətə sahib iki oyunçu olduğunu da vurğulayıb.

 




Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Yanvar 2021
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31