Nurlanın komandası liderə uduzdu

Estoniya çempionatında 24-cü turun oyunları keçirilir.

Futbolxeber.az saytının məlumatına görə, Nurlan Novruzovun formasını geydiyi “Narva” öz meydanında çempionatın lideri “Flora”nı qəbul edib.

“Bakı”nın yetirməsi olan Novruzov meydana start heyətində çıxıb və 76-cı dəqiqədə əvəzlənib. Görüş həmyerlimizin komandasının 1:2 hesablı yenilgisi ilə tamamlanıb.

Qeyd edək ki, 24 turdan sonra aktivində 21 xalı olan “Narva” 10 komanda arasında 7-ci pillədə qərarlaşıb.