Orduya gedəcəyini deyən erməni futbolçu Yunanıstan klubunu aldatdı

“Ural”ın sabiq müdafiəçisi Varazdat Aronyan Rusiyanın digər klubu “Tambov”a keçib.

Futbolxeber.az saytının “R-Sport”a istinadən verdiyi məlumata görə, 28 yaşlı erməni futbolçu yeni klubu ilə “1+1” illik müqavilə imzalayıb.

Qəribədir ki, bir neçə gün əvvəl Aronyan Yunanıstanın “Larisa” klubuna keçməli olsa da, qarşı tərəf erməni futbolçunun ordu sıralarına qoşulacağını və bu səbəbdən də keçidin baş tutmayacağını bildirmişdi.

Qeyd edək ki, bir müddət əvvəl Aronyan 2017-ci ildən çıxış etdiyi “Ural”la müqaviləsini pozmuşdu.