Nicat "Samtrediya"da növbəti qolunu vurdu

Gürcüstan çempionatında 11-ci turun oyunları keçirilib.

Futbolxeber.az saytının məlumatına görə, Nicat Qurbanovun çıxış etdiyi “Samtrediya” öz meydanında Kutaisi “Torpedo”su ilə qarşılaşıb. Futbolçumuzun komandası bu oyundan məğlubiyyətlə ayrılıb - 1:2.

Nicat start heyətdə meydana çıxıb və sonadək mübarizə aparıb. Komandasının yeganə qolunu da 64-cü dəqiqədə penaltidən Qurbanov vurub. Bununla da o, bu mövsüm vurduğu qolların sayını 4-ə çatdırıb.

Qeyd edək ki, 11 turdan sonra hesabında 9 xal olan “Samtrediya” 10 komanda arasında 8-ci pillədə qərarlaşıb.