Avroliqa: 1/8 final mərhələsinə yekun vurulur

Bu gün Avropa Liqasında 1/8 final mərhələsinə yekun vurulacaq.

Futbolxeber.az saytının məlumatına görə, ikinci oyun günündə daha 4 görüş keçiriləcək.

Əsas diqqətlər Almaniyaya yönələcək. Burada turnirin favoritlərindən olan “Sevilya” və “Roma” üz-üzə gələcək. Bu komandalar arasındakı hər iki oyun təxirə salındığından, cütün taleyi 1 görüşdə həll olunacaq.

İlk görüşlərdə səfərdə qələbə qazanan “Bazel” və “Bayer Leverkuzen” mərhələ adlamağa çox yaxındılar.

Millimizin hücumçusu Renat Dadaşovun çıxış etdiyi “Vulverhempton” isə İngiltərədə “Olimpiakos”la üz-üzə gələcək. Bu komandalar arasında keçirilən ilk görüşdə qalib aşkarlanmayıb.

Qeyd edək ki, dünən "Şaxtyor", "Kopenhagen", "İnter" və "Mançester Yunayted" 1/4 finala vəsiqə qazanıb.

Avroliqa, 1/8 final mərhələsi

6 avqust

20:55. "Bayer" (Almaniya) - "Reyncers" (Şotlandiya)

İlk oyun - 3:1

20:55. "Sevilya" (İspaniya) - "Roma" (İtaliya)

İlk oyun keçirilməyib

23:00. "Bazel" (İsveçrə) - "Ayntraxt" (Frankfurt, Almaniya)

İlk oyun - 3:0

23:00. "Vulverhempton" (İngiltərə) - "Olimpiakos" (Yunanıstan)

İlk oyun - 1:1