“Başakşehir” Avroliqa ilə vidalaşdı, “İnter”, “Mançester Yunayted” və “Şaxtyor” 1/4 finalda

Mart ayından koronavirus pandemiyasına görə dayandırılan avrokuboklar bərpa olunub.

Futbolxeber.az saytının məlumatına görə, ilk öncə Avroliqa start götürüb.

Bu gün keçirilən oyunlardan sonra 1/4 final ilk 4 iştirakçısı müəyyənləşib.

İstanbulda "Kopenhagen"ə minimal hesabla qalib gələn son Türkiyə çempionu "Başakşəhər" bu dəfə rəqibi ilə bacarmayıb. Səfərdə 0:3 hesabı ilə uduzan İstanbul təmsilçisi mübarizəni dayandırıb.

Donetsk "Şaxtyor"u isə səfərdə məğlub etdiyi (2:1) "Volfsburq"u evdə də qalib gələrək (3:0) növbəti mərhələyə yüksəlib. Eyni uğura Avstriya LASK-ını mübarizədən kənarlaşdıran "Mançester Yunayted" də imza atıb.

"İnter" (İtaliya) - "Xetafe" (İspaniya) cütlüyünün isə ilk oyunu da təxirə salındığından komandalar arasında görüş neytral meydanda olub. Qalib Almaniyanın Helzenkirhen şəhərindəki görüşdə müəyyənləşib. İtaliya təmsilçisi 2:0 hesablı qələbə ilə 1/4 finala yüksəlib.

Avroliqa, 1/8 final

5 avqust

"Kopenhagen" (Danimarka) - "Başakşəhər" (Türkiyə) 3:0

Qollar: Vinn, 4; 53-pen, Falk, 62

İlk oyun - 0:1

"Şaxtyor" (Ukrayna) - "Volfsburq" (Almaniya) 3:0

Qollar: Moraes, 89; 90+3, Solomon, 90+1

Qırmızı vərəqələr: Xoçolova, 68 ("Şaxtyor") - Brooks, 70 ("Volfsburq")

İlk oyun - 2:1

"Mançester Yunayted" (İngiltərə) - LASK (Avstriya) 2:1

Qollar: Vesinger, 55 (0:1), Linqard, 57 (1:1), Marsial, 88 (2:1)

İlk oyun - 5:0

"İnter" (İtaliya) - "Xetafe" (İspaniya) 2:0

Qollar: Lukaku, 33, Eriksen, 83

İlk oyun keçirilməyib

Qeyd edək ki, bu mərhələnin daha 4 oyunu bu gün keçiriləcək.

Əlavə edək ki, Çempionlar Liqasında 1/8 finalın cavab matçları isə avqustun 7 və 8-də oynanılacaq.