Boatenq “Beşiktaş”dan getdi

Kevin-Prins Boatenq icarə əsasında çıxış etdiyi “Beşiktaş”dan ayrılıb.

Futbolxeber.az saytının məlumatına görə, qanalı yarımmüdafiəçi müqavilə ilə məxsus olduğu “Fiorentina”nın düşərgəsinə qayıdıb.

Lakin Boatenq Florensiya klubunda qalmaq fikrində deyil. 33 yaşlı futbolçu “Herta”da çıxış etmək istəyir. O, karyerasını məhz peşəkar futbolda ilk addımlarını atdığı Berlin klubunda bitirmək istəyir.

Lakin Kevin-Prins Boatenqin “Fiorentina” ilə hələ 1 illik müqaviləsi mövcuddur.

Qeyd edək ki, mövsümün ikinci yarısını icarə əsasında “Beşiktaş”da keçirən qanalı meydana çıxdığı 14 oyunda 1 qol vurub.