“Bu transfer Renat Dadaşovun şansına böyük ziyan vuracaq"

Millimizin hücumçusu Renat Dadaşovun çıxış etdiyi "Vulverhempton" yeni hücumçu transferinə hazırlaşır.

Futbolxeber.az saytının xarici KİV-ə istinadən verdiyi məlumata görə, İngiltərə klubu "Brügge"nin üzvü Emmanuel Dennislə maraqlanır. "Vulverhempton"un onun üçün 25 milyon avro ödəməyə hazırdı.

Xəbərdə bu mümkün transferin komandada iki oyunçu tərəfindən müsbət qarşılana bilməyəcəyi yazılıb.

"Leonard Kampana və Renat Dadaşov U-23 komandasında inkişaf edirlər və baş məşqçisi Nuno Espiritonun onları əsas heyətə dəvət edəcəklərini gözləyirlər. Ancaq Dennisin transferi onların şanslarına böyük ziyan vuracaq" - deyə xəbərdə qeyd olunub.