“A” seriyasının bərpası üçün yeni variant: bütün oyunlar Romada

Koronavirus pandemiyası səbəbindən dayandırılan İtaliya “A” seriyasının bərpası üçün müxtəlif variantlar nəzərdən keçirilir.

Futbolxeber.az saytının İtaliya mətbuatına istinadən verdiyi məlumata görə, hazırda ən real variant qalan oyunların hamısının Romada keçirilməsidir.

Böyük klubların razılıq verdiyi bu variant təsdiqlənərsə, o zaman komandalar 45 günlük paytaxtda məskunlaşacaqlar. Qısa müddətli təlim-məşq toplanışından sonra çempionat qaldığı yerdən davam etdiriləcək və oyunlar paytaxt regionundakı stadionlarda baş tutacaq.

Bu zaman futbolçular tez-tez tesdən keçiriləcəklər. Oyunlara heç jurnalistlər də buraxılmayacaq. Qarşılaşmaları idarə edəcək hakimlər isə komandalarla birgə toplanış keçəcəklər.