Ançelotti Beyl və Xamesi sərəncamında görmək istəyir

“Everton” yayda heyətini “Real”ın 2 futbolçusu ilə gücləndirməyi planlaşdırır.

Futbolxeber.az saytının “Marca”ya istinadən verdiyi məlumata görə, Liverpul təmsilçisinin baş məşqçisi Karlo Ançelotti Qaret Beyl və Xames Rodrigesi sərəncamında görmək istəyir.

İtaliyalı mütəxəssisi Beylin keçidinin asan olmadığını anlasa da, uelslini razı sala biləcəyini düşünür.

Beylin “Real”la 2, Xamesin isə 1 illik müqaviləsi var. “Everton” onların hər ikisinə uzunmüddətli sözləşmə təklif etməyə hazırdı.

Qeyd edək ki, Ançelotti 2013-2015-ci illərdə “Real”ı çalışdırarkən hər iki futbolçu onun rəhbərliyi altında çıxış edib.