Portuqaliyalı ulduzlardan nümunəvi addım: 150 min maska hədiyyə etdilər

Portuqaliya futbolunun ulduzları nümunəvi addım atıblar.

Futbolxeber.az saytının “A Bola”ya istinadən verdiyi məlumata görə, ölkə futbolunun tanınmış simaları Portu dövlət xəstəxanasına koronavirusla mübarizə üçün 150 min tibbi maska hədiyyə ediblər.  

İdeya tanınmış menecer Jorje Mendeşə məxsusdu. Mendeşin başlatdığı xeyriyyə aksiyasına 3 məşqçi - Joze Mourinyo (“Tottenhem”), Brunu Laje (“Benfika”) və Nunu Eşpiritu Santu (“Vulverhempton”) və 25 futbolçu qoşulub ki, onların arasında Kriştianu Ronaldo, Andre Silva, Bernardu Silva, Joau Kanselu, Joau Moutinyo, Ruy Patrisiu, Joau Feliks, Rikardo Karvalyo və digərləri var.