“Yuventus”un koronavirusa yoluxmuş futbolçusu: “Bu sınaqdan sonra daha güclü olacağıq”

Koronavirusa yoluxan “Yuventus”un yarımmüdafiəçisi Blez Matyuidi hazırkı durumundan danışıb.

Futbolxeber.az saytının məlumatına görə, fransız yarımmüdafiəçi Tvitter hesabından paylaşım edib:

“Mən güclüyəm, əhval-ruhiyyəm qaydasındadır. Əminəm ki, bu sınaqdan sonra daha da güclü olacağıq. Xoş sözlərə, dəstəyinizə görə hər kəsə minnətdaram. Bilirəm ki, bunun öhdəsindən gələcəyik”.

Qeyd edək ki, Mtyuidi “Yuventus”un koronavirusa yoluxan ikinci futbolçusudur. COVID-19 daha əvvəl Daniele Ruqanidə aşkarlanıb.