La Liqanın prezidenti: “Mayda bütün Avropa ölkələrində çempionatlar bərpa olunacaq”

La Liqanın prezidenti Xavyer Tebas Avropa ölkələrinin çempionatlarının bərpa olunması haqda danışıb.

Futbolxeber.az saytının “Marca”ya istinadən verdiyi məlumata görə, o, ən geci mayın ortasında yarışların bərpa olunacağını bildirib:

“Planlaşdırılır ki, Avropanın bütün ölkələrində mayın ortasında çempionatlar bərpa olunacaq. Hər şey pandemiya ilə bağlı vəziyyətdən asılıdır. Ola bilər ki, çempionatlar dediyimindən də tez başlasın. Amma mayın ortası hazırda nəzərdə tutduğumuz tarixdi”.

O, azarkeşlərin stadionlara buraxılıb-buraxılmaması ilə bağlı sualı belə cavablandırıb: “Hər şey ölkələrdəki sağlamlıq orqanlarından asılıdır”.