Almeydanın komandasından əzmkar qələbə

Milli komandamızın üzvü Riçard Almeydanın çıxış etdiyi "Baniyas"  Birləşmiş Ərəb Əmirlikləri çempionatında növbəti oyuna çıxıb.

Futbolxeber.az saytının məlumatına görə, “Baniyas” 19-cu turda öz meydanında “Al İttihad Kalba" ilə qarşılaşıb.

Milliləşdirilmiş braziliyalı start heyətində yer alıb və 90 dəqiqə meydanda olub. İlk yarıda qapısında qol görən Almeydanın komandası ikinci hissədə rəqibin azlıqda qalmasından sonra oyunda dönüş yaradıb.

Əvvəlcə Almeyda 52-ci dəqiqədə penaltidən fərqlənib. Oyunun son dəqiqələrində daha bir qol vuran “Baniyas” 2:1 hesabı ilə qalib gəlib.

Qeyd edək ki, “Baniyas” 19 oyuna topladığı 23 xalla 14 iştirakçı arasında 9-cudur.