Monteneqro millisinin baş məşqçisi millimizin qeupunu dəyərləndirdi

Monteneqro yığmasının baş məşqçisi Faruk Hacibeqiç Millətlər Liqasının püşkünü dəyərləndirib.

Futbolxeber.az saytının məlumatına görə, 62 yaşlı mütəxəssis bildirib ki, qrupdakı istənilən komanda birini yer uğrunda mübarizə apara bilər:

"Yaxşı qrupa düşdüyümüzü hesab edirəm. Buna görə sevinirəm. Amma son vaxtlar əldə olunan nəticələr göstərir ki, ehtiyatlı olmalıyıq. Bütün futbolçular sərəncamımızda olanda, zədəli oyunçularımız olmayanda iddiamızı ortaya qoymalıyıq. Amma rəqiblərə də hörmətlə yanaşmalıyıq. Hamını maraqlı oyunlar gözləyir. Qarşıdakı yoldaşlıq matçlarından sonra kollektivdə qələbə ruhu formalaşdırmaq lazımdır. Qrupumuzda asan rəqib yoxdur. Ona görə də hər bir komandaya ciddi yanaşmalıyıq”.

Xatırladaq ki, Kipr, Monteneqro, Azərbaycan və Lüksemburq yığmaları Millətlər Liqasında eyni qrupda mübarizə aparacaqlar.