Qrizmann: “Cavab oyununda “Napoli”yə qalib gəlməyə məcburuq”

“Barselona”nın hücumçusu Antuan Qrizmann Çrmpionlar Liqasının 1/8 final mərhələsinin ilk oyunu çərçivəsində “Napoli” ilə 1:1 bərabərə qaldıqları görüş haqda danışıb.

Futbolxeber.az saytının xarici KİV-ə istinadən verdiyi məlumata görə, ilk görüşdə vurduğu qolla komandasını məğlubiyyətdən xilas edən fransız forvard cavab görüşündə qələbə qazanmağa məcbur olduqlarını bildirib:

“Bura qələbə üçün gəkmişdik. Lakin bu gün istəyimiz alınmadı. İlk yarıda rəqib qapısına yaxınlaşmaqda və işi son zərbəyə çatdırmaqda çətinlik çəkirdik. Lakin dəqiqələr keçdikcə rəqibin yorulduğunu anlayırdıq və bununla da şanslarımız artırdı.

Oyunun gedişində özümə boş zona yaratmalıyam. Birinci hissədə çatdırmasam da, fasilədən sonra bu alındı.

İndi bizi evdə cavab görüşü gözləyir. Həmin matç tam fərqli olacaq. Öz azarkeşlərimiz önündə oynayacağıq və qələbə qazanmağa məcburuq”.