“Çelsi”nin avrokuboklardakı ən ağır ev məğlubiyyəti

“Çelsi” Çempionlar Liqasının 1/8 final mərhələsinin ilk oyununda öz meydanında “Bavariya”ya 0:3 hesabı ilə uduzub.

Futbolxeber.az saytının məlumatına görə, bu, London klubunun tarixindəki ən ağır ev məğlubiyyətidir.

“Çelsi” həm də ilk dəfə öz meydanında Almaniya klubuna yenilib.  

Frenk Lempardın komandası cari mövsüm bütün turnirlər nəzərə alınmaqla “Stemford Bric”də 8-ci məğlubiyyətini alıb. Bu, 1985/86 mövsümündən sonra komandanın ən pis göstəricisidir.