Məsut Özil Qaret Beylə meydan oxudu

Maəsut Özil "Real"ı tərk etməyəcəyini bəyan edib. Futbolxeber.az-ın məlumatına görə, Almaniya millisinin üzvü "Real"a keçəcəyi gözlənilən Qaret Beyllə rəqabətdən çəkinmədiyini bildirib: "Komandaya gələn yeni futbolçunu yaxşı qarşılayırıq. Komanda gücləndirə biləcək hər futbolçunun gəlişinə sevinirik. Bu səbəbdən də Beylin komandaya cəlb olunması mənim üçün heç bir problem yaratmayacaq. "Real" kimi böyük klubda daim əsas heyətdə oynamaq üçün rəqabət aparmalısan. Bunun öhdəsindən gəlməyin yolunu isə bilirəm. Ona görə də əminliklə söyləyirəm ki, rəqabətə görə klubu tərk etməcəyəm. "Real"da artıq dördüncü mövsümümü keçirirəm və daim əsas heyətdə oynamışam. Nəyə qadir olduğuimu bilirəm. Eləcə də məşqçimiz mənə güvənir".