Özil: “Növbəti mövsümdə də “Arsenal”da qalacağam”

Məsut Özil “Arsenal”ı tərk etmək fikrində deyil.

Futbolxeber.az saytının xarici KİV-ə istinadən verdiyi məlumata görə, bu barədə o deyib: “Arsenal”dakı durumumdan məmnunam. Növbəti mövsümdə də komandada qalacağam. Gələcəyin mənə nə hazırladığını bilmirəm”.  

Özil komandanın hazırkı baş məşqçisi Mikel Arteta barədə də danışıb: “O, kluba ləyaqətini geri qaytarır - mübarizə, topa sahib olma, oyuna nəzarət. Bu, bizə uğur gətirir: hamı sevinir, üzlər gülür. Arteta “Arsenal”a uyğun gələn insandı”.

Qeyd edək ki, cari mövsüm elə də inamlı təsir bağışlamayan, Premyer Liqada meydana çıxdığı 12 oyunda cəmi 1 məhsuldar ötürmə ilə yadda qalan futbolçunun mövsümün sonunda “Arsenal”dan ayrılacağı deyilirdi.