"Tavriya"nın vitse-prezidenti: “Həmişə "Qarabağ"ı misal gətirirəm”.

Krım vilayətinin Simferopol şəhərinin "Tavriya" klubunun vitse-prezidenti Oleq Komunyar "Qarabağ" komandasının Azərbaycan üçün əhəmiyyəti haqda danışıb.

Futbolxeber.az saytının məlumatına görə, o, təmsil etdiyi klubun çıxışları ilə hamıya Krımın Ukrayna torpağı olduğunu göstərə biləcəyini deyib.

Oleq Komunyar deyib: "Həmişə Azərbaycan çempionatından "Qarabağ"ı misal gətirirəm. Bu komanda işğal olunmuş Ağdamı təmsil edir. Ölkənin TOP klubudur, özü də paytaxtda oynayır və hamıya xatırladır ki, Qarabağ Azərbaycanındır. Belə münasibətin "Tavriya"da da olmasını istərdim: qoy, TOP klub olmasın. Ancaq heç olmasa, acınacaqlı varlı ortaya çıxmayaydı, yaşamaq uğrunda mübarizə aparmazdı. Yəni sahibkar, hansısa adekvat menecer ortaya çıxmalıdı. Hansı ki futbol klubuyla necə işləməyi bilir, marketinq sahəsini yuxarı dartar, azarkeşlərlə işləyər və komandanın özünü formalaşdırar. Kluba inkişaf planı lazımdır".

Xatırladaq ki, "Tavriya" 2014-cü ildə fəaliyyətini dayandırıb. 2016-cı ildə klub bərpa olunaraq Ukraynanın həvəskar liqasında çıxış etməyə başlayb, 2017-ci ildən isə II liqada mübarizə aparır.