Bülənt Qorxmaz: “Uels və İsveçrə yığmaları ilə Bakıda oynamaq Türkiyədə qəbula bərabərdi”

Türkiyə futbolunun canlı əfsanələrindən olan Bülənt Qorxmaz Türkiyə yığmasının Bakıda qrup mərhələsininin 2 matçını keçirəcəyi AVRO-2020-nin püşkünü dəyərləndirib.

Futbolxeber.az saytının məlumatına görə, vaxtı ilə ölkəmizdə çalışan, “Bakı”nın baş məşqçisi olan “Böyük kapitan”

"Açıq deyim ki, bu, Türkiyə yığmasına çox böyük üstünlükdü. Uels və İsveçrə yığmaları ilə Bakıda oynamaq Türkiyədə qəbula bərabərdi. Sirr deyil ki, bizim ölkədə azarkeşlər "12-ci oyunçu" olurlar. Əminəm ki, analoji dəstək Bakı Olimpiya Stadionunda da olacaq. Bizim qardaşlara - azərbaycanlılara türklər qoşularaq ölkənizdə möhtəşəm atmosfer yaradacaqlar. Yəqin ki, Bakıya Türkiyədən on minlərlə azarkeş gələcək. Fikrimcə, millimizə azarkeşlik edənlər tribunalalardakıların 3/4-dən az olmayacaq".

Maraqlıdı, Qorxmaz də həmin vaxt paytaxtımızda olacaqmı? "İndidən əminliklə deyə bilmərəm ki, Bakıya milli komandamızı dəstəkləməyə gələcəm. İyuna hələ yarım il var. Təxirəsalınmaz işlərim olmasa, futbolçularımızı mütləq dəstəkləməyə gələcəm".

Xatırladaq ki, Türkiyə millisi iyunun 17-də Uelsə, bundan 4 gün sora İsveçrəylə BOS-da görüşəcək.

Mənbə: football24.az