Uels millisinin daha bir üzvü Bakıya gəlməyəcək

Avro-2020-nin seçmə mərhələsində millimizlə qarşılaşacaq Uels yığması daha bir itki ilə üzləşib.

Futbolxeber.az saytının məlumatına görə, müdafiəçi Nil Teylor heyətdən çıxarılıb.

“Aston Villa”nın futbolçusu şəxsi işlərinə görə baş məşqçi Rayan Giqqzdən icazə istəyib. Onun əvəzinə milliyə kimin dəvət ediləcəyi hələlik bəlli deyil.

Qeyd edək ki, yarımmüdafiəçilər Devid Bruks (“Bornmut”), Co Uilyams (“Sanderlend”) və müdafiəçi Co Rodon (“Suonsi”) zədəli olduğundan, Co Allen (“Stok Siti”) isə cəzalı olduğu üçün millimizlə oyunu buraxacaq.

Xatırladaq ki, noyabrın 16-da Bakıda yığmamızın qonağı olacaq Uels millisi 3 gün sonra Macarıstanı qəbul edəcək.