“Milan” 3 xalı tək qolla qazandı

İtaliya “A” seriyasında 10-cu tura yekun vurulub.

Futbolxeber.az saytının məlumatına görə, tura “San Siro”da yekun vurulub. “Milan” öz meydanında “Spal”ı qəbul edib.

Matç meydan sahiblərinin 1:0 hesablı qələbəsi ilə yekunlaşıb. Susonun 63-cü dəqiqədə vurduğu qol “Qırmızı-qaralar”a 3 xal qazandırıb.

2 turdan sonra qələbə qazanmağı bacaran “Milan” xallarının sayını 13-ə çatdırmaqla turnir cədvəlində 10-cu pilləyə yüksəlib. “Spal” isə 7 xalla 19-cudur.

Qeyd edək ki, lider “Yuventus”un aktivində 26 xal var.