“Traktor” 3 xalı 4 qolla qazandı

İran çempionatında 7-ci turun oyunları keçirilir.

Futbolxeber.az saytının məlumatına görə, Güney Azərbaycan təmsilçisi “Traktor” səfərdə “Nassaji Mazandaran”ın qonağı olub.   

Görüşün ilk yarısında qapılara qol vurulmayıb. Fasilədən sonra təzyiqi artıran Təbriz klubu 52-86-cı dəqiqələr aralığında Mimbela, Ansari (2 qol) və Sugitanın vurduğu qollar sayəsində 4:0 hesablı qələbə qazanıb.

Ardıcıl 4-cü qələbəsini qazanan “Traktor” hazırda 17 xalla “Sepahan”la birgə turnir cədvəlində şərikli liderdir. Maraqlıdır ki, hər iki komanda 7 tur ərzində qapısını toxunulmaz saxlayıb.