Arrisabalaqa Sarridən üzr istədi

“Çelsi”nin qapıçısı Kepa Arrisabalaqa Liqa Kubokunun finalında (0:0; pen - 3:4) “Mançester Siti” ilə görüşdə baş məşqçi Mauritsio Sarrini istəyinə baxmayaraq, əvəzlənməkdən boyun qaçırmasına və meydanı tərk etməməsinə görə üzr istəyib.

Futbolxeber.az saytının xarici KİV-ə istinadən verdiyi məlumata görə, ispan qolkiper bununla bağlı deyib:

“Çelsi”nin heyətində ilk dəfə kubokun finalında meydana çıxdığım üçün çox şad idim. Oyun zamanı baş verənlər haqda çox düşündüm. Həmin epizodda anlaşılmazlıq yaransa da, mən özümü məhz bu cür aparmaqla böyük səhvə yol verdim.

Şəxsən baş məşqçidən, komanda yoldaşlarımdan, eləcə də fanatlardan etdiyim hərəkətə görə üzr istəyirəm. Baş verənlərdən dərs alacağam və klub rəhbərliyinin verəcəyi cəzaya razıyam”.

Qeyd edək ki, klub rəhbərliyi Arrisabalaqanı 1 həftəlik məvacibindən məhrum edib.