Nazarov üçün 15 dəqiqə

Almaniya ikinci Bundesliqasında 10-cu turun oyunları keçirilir.

Futbolxeber.az saytının məlumatına görə, millimizin üzvü Dmitri Nazarovun formasını geydiyi “Aue” səfərdə “Dinamo Drezden”in qonağı olub.

Nazarov 75-ci dəqiqədə meydana daxil olub. Buna qədər komandalar hərəyə 1 dəfə fərqləniblər. Üstəlik, 53-cü dəqiqədən Nazarovun komandası azlıqda mübarizə aparıb.

Yığmamızın üzvü meydanda olduğu dəqiqələrdə hesab dəyişməyib, görüş elə 1:1 hesabı ilə yekunlaşıb.

Bu heç-heçədən sonra xallarının sayını 11-ə çatdıran “Aue” 13-cü pillədə qərarlaşıb.