"Old Trafford"a qələbə ardınca gəlmişik"

“Valensiya”nın hücumçusu Rodriqo Moreno Çempionlar Liqasının qrup mərhələsi çərçivəsində “Mançester Yunayted”lə oynayacaqları görüşdən qələbə ilə ayrılmaq istəyirlər.

Futbolxeber.az saytının məlumatına görə, Moreno “Old Trafford”a qələbə ardınca gəldiklərini bildirib:

“Valensiya” “Old Trafford”a ümidlə gəlib. Hər zaman meydana qələbə üçün çıxırıq. Hətta bunu etməyin çətin olduğunu bilsək belə, məqsədimiz dəyişmir. “Yuventus”a qarşı pis oynamadıq. Sadəcə sonluğu gətirə bilmədik. Buna baxmayaraq biz Mançesterə qələbə ardınca gəlmişik. Evə maksimum nəticə ilə dönmək istəyirik”.