“Dünya çempionatında qol vurmaq uşaqlıq arzum idi”

Yaponiya millisinin hücumçusu Yuya Osako Kolumbiya üzərində qazandıqları 2:1 hesablı qələbədən danışıb.

Futbolxeber.az saytının xarici KİV-ə istinadən verdiyi məlumata görə, komandasına qələbə gətirən qolu vuran və görüşün ən yaxşısı seçilən “Köln”ün forvardı uşaqlıq arzusunu reallaşdırdığını bildirib:

“Dünya çempionatında qol vurmaq uşaqlıq arzum idi. Fərqləndiyim üçün çox şadam. Dünya çempionatı böyük turnirdir. Burada hər şey mümkündür. Düşünürəm ki, əsas mübarizə hələ irəlidədir”.