Rusların neçə faizi DÇ-2018-dən xəbərsizdilər?

“Nielsen” kompaniyası Rusiyada keçiriləcək dünya çempionatı ilə yerli əhali arasında sorğu keçirib.

Futbolxeber.az saytının məlumatına görə, 11 yaşından 69 yaşınadək şəxslər arasında keçirilən sorğu zamanı məlum olub ki, rusların 96 faizi mundial haqda məlumatlıdırlar.

Mundiala ev sahibliyi edəcək 11 şəhərin də əhalisi daxil olmaqla ümumilikdə sorğuda 3500 nəfər iştirak edib.

Rusiya vətəndaşlarının 84 faizi dünya çempionatının oyunlarını izləyəcək. Onların 73 faizi qarşılaşmalara evdə, 24 faizi isə barlarda, “pub”larda baxacaqlar.

Hər 3 nəfərdən ikisi (67%) hesab edir ki, mundiala ev sahibliyi etmək Rusiyaya uzunmüddətli fayda verəcək. Əhalinin 70 faizi isə hesab edir ki, DÇ-2018-dən sonra Rusiyanın ölkə xaricindəki nüfuzu daha da artacaq.