“Qarabağ Vyana" növbəti qələbəsini qazandı

Avstriyanın Şərq Regional Liqasında 28-ci turun oyunları keçirilib.

Futbolxeber.az saytının məlumatına görə, azərbaycanlı futbolçular Dmitri Nağıyev, Elvin Bədəlov və Emil Fərzəliyevin formasını geyindiyi Vyana “Qarabağ”ı səfərdə “Admira Vakker”lə  qarşılaşıb. Futbolçularımızın komandası bu oyundan qələbə ilə ayrılıb - 3:2.

Emil bu görüşün iştirakçısı olmayıb. Elvin start heyətdə meydana çıxıb və sonadək oynayıb. Dmitri isə qarşılaşmanın 65-ci dəqiqəsində meydana daxil olub.

Qeyd edək ki, “Qarabağ” hazırda 41 xalla 16 komanda arasında 5-ci pillədə qərarlaşıb.