Son 5 ildə ilk dəfə: "Barsa" topa rəqibdən az sahib oldu

"Barselona" dünən yoxlama oyununda "Bavariya"ya 0:2 hesabı ilə uduzdu. Futbolxeber.az-ın məlumatına görə, bu oyunda katalonlar rəqibə təkcə hesabda uduzmayıb. Belə ki, topa sahibolmada da üstün tərəf Münhen klubu olub. "Bavariya" 90 dəqiqə ərzində 55, katalonlar isə 45 faiz topa yiyələniblər. Maraqlıdır ki, bu, son 5 ildə ilk belə nəticədir. Son illər ərzində katalonlar heç vaxt topa sahibolmada rəqibindən geri qalmayıb.  

Xatırladaq ki, "Barselona" rəqibdən daha az sonuncu dəfə 2008-ci ildə yiyələnib. Həmin vaxt "Real"a qarşı keçirilən görüşdə katalonlar 1:4 hesabı ilə uduzub.