Filipe Luis: "Qarabağ"la oyundan sonra yata bilmədim"

"Qarabağ"a qarşı Çempionlar Liqasındakı ikinci oyundan sonra yata bilmədim. Səhər 8:00-da yuxuya getdim, 8:30-da oyandım".

Futbolxeber.az saytının məlumatına görə, bu sözləri "Cadena Ser"a "Atletiko"nun futbolçusu Filipe Luis Çempionlar Liqasının qrup mərhələsində "Qarabağ"a qarşı keçirilən matçlarla bağlı danışarkən deyib.

O, ÇL-in 1/8 finalına çıxmaq şanslarının hələ də qaldığını bildirib: "Amma bu, çox çətindir. "Atletko" kimi bir klub Çempionlar Liqasının ən yaxşı 16 komandası arasında yer almalıdır".

F.Luis bu mövsümün onlar üçün yaxşı başlamadğını vurğulayıb: "Ancaq məqsədimizə çatmağa çalışmalıyıq. Son iki matçda daha yaxşı oynamağa başlamışıq".

Qeyd edək ki, "Atletiko" "Qarabağ"la hər iki oyundan (0:0,  1:1) heç-heçə edib (qol.az).