Arda Turan yenidən milliyə qayıdır

“Barselona”nın üzvü Arda Turan yenidən Türkiyə millisində çıxış edəcəyini açıqlayıb.

Futbolxeber.az saytının məlumatına görə, təcrübəli futbolçu “İnstaqram”dakı rəsmi səhifəsində bununla bağlı paylaşım edib.

O bildirib ki, Kosovaya qarşı oyundan öncə yaşanan hadisələrə görə yığmadan ayrılmışdı. Lakin Türkiyə Futbol Federasiyasının prezidenti Yıldırım Dəmirörən və yeni baş məşqçi Mirça Luçesku ondan bu qərarı yenidən nəzərdən keçirməyi istəyiblər.

“Barselona”nın yarımmüdafiəçisi bəyan edib ki, bundan sonra Luçesku uyğun gördüyü zaman yenidən qürurla millinin formasın geyməyə hazırdı.

“Qarşıdakı 4 oyunluq çətin müddətdə və gələcəkdə istənilən şərtlər altında komanda yoldaşlarımın yanında olmaq istədiyimi ictimaiyyətə bəyan edirəm” - deyə A. Turan fikrini tamamlayıb.