“Kopenhagen”li futbolçudan “Qarabağ” açıqlaması

“Qarabağ” yaxşı komandadır. Belə olmasaydı, onlar pley-off vəsiqə qazanmazdılar”.

Futbolxeber.az saytının məlumatına görə, bu sözləri Çempionlar Liqasının pley-off mərhələsində “Qarabağ”ın rəqibi olan “Kopenhagen”in futbolçusu Peter Ankersen Danimarka mətbuatına deyib. 26 yaşlı müdafiəçi bununla belə bildirib ki, komandasının qrupa düşmək şansı yüksəkdir: “Bizim yaxşı şansımız var. İki oyunun nəticəsinə əsasən, rəqibimizi üstələyə bilərik”.

Peter Ankersen hələ 2014-cü ildə Avstriyanın “Zalsburq” komandasında oynayərkən “Qarabağ”a qarşı ÇL-in ücüncü təsnifat mərhələsində çıxış edib:

“O vaxt biz onlara qalib gəlib mübarizədən kənarlaşdıra bilmişdik. Amma rəqibin heyətində yaxşı peşəkar oyunçular toplaşıb və biz onları yaxından öyrənməliyik”.