Peres: “Mançester Yunayted”lə Morataya görə danışıq aparmırıq”

“Real”ın prezidenti Florentino Peres Alvaro Moratanın “Mançester Yunayted”ə transfer olunacağı barədə yayılan xəbələrə aydınlıq gətirib.

Futbolxeber.az saytının “Sky Sports”a istinadən yaydığı xəbərə görə, o, “Qırmızı şeytanlar”la Moratanın satışı ilə bağlı hər hansı razılığın olmadığını bildirib:

“Biz “Mançester Yunayted”lə Morataya görə danışıq aparmırıq. Lakin ola bilər ki, futbolçunun ətrafında kimsə bu keçidin alınması üçün çalışır. Bu, normal haldı.

Mətbuatda bu transferlə bağlı 2 klub arasında razılıq əldə olunduğu, hətta keçidin qiymətini də oxudum. Amma bütün bunlar yalnız şaiyədi”.