Moratanın keçidi yubanır: “Real” 80-90 milyon tələb edir

“Mançester Yunayted” və “Real” arasında Alvaro Moratanın keçidi ilə bağlı aparılan danışıqlar davam edir.

Futbolxeber.az saytının AS-a istinadən verdiyi məlumata görə, son olaraq “Qırmızı şeytanlar” 24 yaşlı forvard üçün 70 milyon avro təklif edib.

Lakin “Real” bu təkliflə qane olmur. “Kral klubu” 80-90 milyon avro tələb edir. Bu səbəbdən də transferin reallaşması yubanır.

Qeyd edək ki, Morata “Mançester Yunayted”lə şəxsi müqaviləsinin detallarını razılaşdırıb. Onun yeni iş yerindəki illik qazancı 12 milyon avro olacaq.