“Portu”da yeni baş məşqçi

“Portu”nun yeni baş məşqçisi müəyyənləşib.

Futbolxeber.az saytnın məlumatına görə, Portuqaliya təmsilçisini bundan sonra Serjiu Konseysau çalışdıracaq.

42 yaşlı mütəxəssisin təyinatının rəsmiləşməsi üçün onun hazırkı klubu “Nant”ın da razılığı alınmalı idi. Nəhayət ki, 2 klub arasında aparılan danışıqlar müsbət yekunlaşıb.

Konseysauya qarşılıq olaraq “Portu” “Nant”a 3 milyon avro ödəyəcək və 2 futbolçusu - Çidozi Avazyem və Joris Kayembeni icarəyə verəcək.

Xatırladaq ki, mövsüm yekunlaşdıqdan sonra Nunu Eşpiritu Santu “Portu”nun baş məşqçisi vəzifəsindən ayrılıb.