Xarici futbol
Tottinin vida məktubu
27 il əvvəl Romadakı mənzilimizin qapısı döyüldü. Anam Fiorella açdı qapını. Kandarda mənim futbol taleyimi dəyişə biləcək şəxslər dayanmışdı. Özlərini futbol meneceri kimi təqdim etdilər. “Roma”dan deyildilər. Geyimləri qırmız-qara rəngdə idi. Məni “Milan”a aparmaq istəyirdilər. Nəyin bahasına olursa-olsun. Sizcə, anam əllərinin qəti jestinin müşayiəti ilə nə cavab verdi?!
***
Romalı oğlan uşaqlarının iki variantı var: sən ya qırmızı-sarı, ya da bəyaz-mavi olmalısan.. Sən ya “Roma”lısan, ya da “Latsio”lu. Amma bizim ailəmizin bir seçimi vardı.
Babam Canlukanı xatırlamıram. O, dünyasını dəyişəndə mən çox balaca idim. Amma o bizim üçün çox qiymətli bir hədiyyəni miras qoyub: “Roma”nın böyük fanatı olub, bu sevgini atama ötürüb, o isə bu hissləri mənimlə və qardaşımla bölüşüb. “Roma” bizim üçün hər zaman futbol klubundan daha böyük dəyər olub. “Roma” ailəmizin bir hissəsidir, bizim qanımızda, qəlbimizdədir. Televiziyada oyunlara o qədər də tez-tez baxa bilmirdik. 80-ci illərdə hətta Romada da futbol reportajlarının sayı çox deyildi. 7 yaşım olanda atam bilet aldı. “Canavar”ları canlı, “Olimpiko” stadionunda görəcəyim gün gəlib çatmışdı.
İndi gözlərimi yumub o hissləri xatırlayıram. O rənglər, o şüarlar. Petardaların qoxusu. “Roma” azarkeşlərindən ibarət dənizin tən ortasına düşmüşdüm. İçimdə qəfildən sanki nəsə alışdı. O anları dəqiq təsvir edə bilmirəm. Bellissimo! Bu yerdə yalnız bu kəlmə keçərlidir.
Bizim yaşadığımız San-Covanni rayonunda çətin ki, kimsə məni əlimdə, ya da ayağımda top olmadan görə biləydi. Hər yerdə oynayırdıq – daş döşənmiş dar küçələrdə, ensiz dalanlarda, kilsənin qarşısında. Artıq o zamanlarda mən futbolu sadəcə sevmirdim. Ambisiyalarım vardı. Futbolçu karyerası barədə düşünürdüm. Beləcə, gənclərdən ibarət komandalarda oynamağa başladım. Otağımın divarlarını “Roma”nın kapitanı Cannininin posterləri və onun şəkillərinin olduğu qəzet parçaları ilə bəzəmişdim. O, bizim üçün ikona, simvol idi. Və romalı sadə oğlan idi. Eynən bizim kimi...
***
13 yaşım olanda qapımızı döydülər.
“Milan”a çağırırdılar. Böyük italyan klubunda oynamaq üçün şansım vardı. Nəyi seçərdim?
Amma təbii ki, seçimi mən etmədim.
Boss anam idi. O elə indi də bossdur. Həmişə oğullarının qayğısına qalırdı. Bəzən bütün italyan analar kimi həddindən artıq çox qalırdı qeydimizə. İstədiyim qədər çox gəzməyimə də icazə vermirdi. Yalnız ona görə ki, nigaran qalırdı: birdən xoşagəlməz nəsə baş verər...
- Yox. Yox, - qonaqlara belə dedi. – Çox təəssüf. Yox...
Bu, son idi. Mənim ilk transferimə boss qadağa qoymuşdu.
İstirahət günlərində atam məni və qardaşımı oyunlarımıza aparırdı. Lakin bazar ertəsindən cümə gününə qədər hər şeyə anam rəhbərlik edirdi.
“Milan”ın təklifindən imtina etmək cəsarətli addım idi. Axı ailəmiz yaxşı pul qazanmaq, dirçəlmək şansına malik ola bilərdi.
Anam mənim üçün bir örnək oldu. Anladım ki, dünyada hər şeydən vacib - evdir.
Cəmi bir neçə həftə sonra “Roma”ya keçidimlə bağlı təklif aldım. Qırmızı-sarı formanı geyindim.
Anam bilirdi!.. Karyeram ərzində mənə o qədər kömək edib ki! Bəli, o məni qorudu (hələ də bunu edir) - amma bunu edərkən öz gücünü əsirgəməyib. İlk illər onun üçün çox çətin idi. Bunu bilirəm...
Məni məşqlərə aparırdı. Hasarın o üzündə gözləyirdi. İki, üç, bəzən dörd saat. Yağışda, qarda. Fərqi yoxdur.
Ö gözləyirdi ki, mən arzumu gerçəkləşdirim.
***
“Olimpiko”da “Roma”nın heyətində debüt edəcəyimi oyundan 90 dəqiqə əvvəl bildim. Bizi Triqoriyadakı bazamızdan stadiona aparan avtobusa əyləşdim və həyəcanım artmağa başladı. Gecə çox rahat yatmışdım, amma indi bütün dincliyimi itirmişdim.
“Roma” fanatları fərqlidir, başqaları kimi deyil. Əgər bu komandanın heyətində meydana çıxırsansa, tribunalar səndən çox şey gözləyir. Nəyəsə layiq olduğunu dərhal göstərməlisən. Heç kim sənə səhv etmək fürsəti verməyəcək.
İlk dəfə meydana çıxanda böyük qürur hissi keçirdim. Axı öz evim, öz babam, öz ailəm üçün oynayırdım.
25 il ötüb. Bütün bu illər ərzində həmin təzyiq itməyib. Amma bu təzyiq - imtiyaz, əlavə üstünlükdür!
Əlbəttə, səhvlərim də olub. 12 il əvvəl Madrid “Real”ına keçmək barədə düşünmüşəm. Uğurlu, bəlkə də dünyanın ən güclü komandası sənə təklif göndərəndə özündən asılı olmayaraq tərəddüd etməyə başlayırsan. Dəyişikliklər barədə düşünürsən. “Roma”nın prezidenti ilə də müzakirə apardım. Amma yekunda hər şeyi ailəmlə etdiyim söhbət müəyyənləşdirdi. O söhbətdə bir daha mənə xatırlatdılar: Ev – hər şey deməkdir!
39 ildir ki, Roma mənim evim, 25 ildir ki, “Roma” futbol evimdir. Skudettonu qazananda da, Çempionlar Liqasında oynayanda da bacardığımın ən maksimumunu etməyə çalışmışam ki, klubumun rənglərini şərəflə təmsil edə bilim. Ümidvaram ki, mənimlə fəxr etmək üçün əsasınız olub...
Kimsə deyə bilər ki, mən vərdişlərə bağlı adamam. Hətta valideynlərimin evindən də həyat yoldaşım İlari ilə nişanlanandan sonra ayrıldım. Düşünürəm ki, “Roma”nı tərk etdikdən sonra nədən ötrü darıxacağam? Gündəlik xırda-xuruş işlər, öyrəncəli olduğum nizam qaydaları, saatlarla sürən məşqlər, paltardəyişmə otağındakı laqqırtı üçünmü?! Məncə, hər şeydən çox komanda yoldaşlarımla birgə hər səhər bazada içdiyim kofedən ötrü qəribsəyəcəm. Bəlkə də bir gün kluba artıq futbolçu kimi yox, başqa statusda qayıtsam, bu dediklərim yenə əvvəlki kimi olacaq.
Bəzən insanlar soruşur ki, niyə bütün ömrünü Romada keçirirsən?
Roma sevdiyim ailəm, dostlarımdır.
Roma dəniz, dağlar, abidələrdir.
Roma, əlbəttə ki, romalılardır.
Roma qırmızı və sarı rənglərdir.
Roma mənim üçün bir dünyadır.
Bu klub və şəhər mənim həyatımdır.
Əbədilik...
Tərcümə etdi: Firuz ABDULLA
Şərh yazılmayıb
|
ŞƏRH YAZ
|
Çox oxunan xəbərlər
- AFFA-nın yeni baş katibi o olacaq - ÖZƏL
- “Sabah”da rəhbər dəyişikliyi: Yeni prezident o olacaq - ÖZƏL
- Fərid Qayıbov narazıdır: AFFA-nın konfransını boykot edəcək - ÖZƏL
- AFFA prezidentliyinə və İcraiyyə Komitəsinə namizədlər açıqlandı
- FİFA AFFA-nın konfransında azərbaycanca danışacaq - ÖZƏL
- Zaur Qəhrəmanovun “Neftçi”dən getməsinin səbəbi məlum oldu
- Rövşən Nəcəf: “Etimadı doğrultmaq üçün əlimdən gələni edəcəm”
- AFFA İcraiyyə Komitəsinin üzvü: “Premyer Liqada klub sayının artırılması gündəmdədir”
- Qurbanovdan nümunəvi addım
- İcraiyyə Komitəsinin yeni üzvü “Neftçi”yə gəlişini şərh etmək istəmədi: “İnşallah gələn həftə...”
- AFFA prezidentliyi ilə bağlı son durum - hər şey böhran vəziyyətinə doğru?
- Sərxan Hacıyev: “Monqolustan və Bolqarıstanla oyunlara görə milliyə mükafat veriləcək”
- Minifutbol millimizin heyəti narazılıqla qarşılandı, baş məşqçi danışmaq istəmədi
- Prezidentin nəvəsindən Qara Qarayevə dəstək
- Bəhlul Mustafazadə: “Millidə bütün futbolçular ikiqat çalışırlar”
-
13:45
"Neftçi"nin iki futbolçusu "Zirə"yə qarşı oynamayacaq
-
13:19
Kişi şahmatçılar arasında Azərbaycan çempionatında yarımfinalçılar müəyyənləşib
-
13:04
Bakıda bədii gimnastika üzrə Dünya Kubokunun ikinci gününə start verilib
-
12:53
“Qəbələ” “Qarabağ”, “Zirə” “Neftçi” səfərində
-
12:31
Ayxan Abbasovun həqiqətləri
-
12:00
Sərtan Taşkının komandası səfərdə qalib gəldi
-
11:48
"Atletik" öz meydanında büdrədi VİDEO
-
11:27
"İQ Sports" media və marketinq agentliyi fəaliyyətə başladı
-
11:15
"Yuventus" məğlubiyyətdən qaçdı VİDEO
-
11:03
“Traktor” səfərdə uduzdu
-
10:52
"Ayntraxt"ın qələbəsi VİDEO
-
10:39
Bu gün Azərbaycan Kubokunun qalibi müəyyənləşəcək
-
10:24
"Latsio" 3 xalı tək qolla qazandı VİDEO
-
10:11
Orxan Məmmədov “Neftçi” ilə oyundan öncə “Zirə”ni tək buraxmadı FOTOLENT
-
09:48
"Beşiktaş" "Ankaragücü"nü məğlub etdi VİDEO
-
09:30
"Qəbələ"nin 2 futbolçusu "Qarabağ"a qarşı oynamayacaq
-
20:15
"Sumqayıt" Tovuzdan qələbə ilə qayıdır VİDEO
-
19:58
Ayxan Abbasov: “Komanda adı çəkmək mənə yaraşmaz, amma bu söhbətlər olacaq”
-
19:31
Samir Abasov: “Bu gün bizi bu yerdə görmək heç kim üçün xoş deyil”
-
18:26
"Sumqayıt” II pilləyə yüksəldi
-
16:42
Azərbaycan gimnastı: “Karyeramda ən böyük dəstəkçim anamdır”
-
16:07
PFL-in prezidenti: “Qəzadan sonra 9 dəfə əməliyyat olundum”
-
15:54
Tovuzda heyətlər açıqlandı
-
15:23
MOK-da Baham adaları Olimpiya Komitəsinin vitse-prezidenti ilə görüş olub
-
14:15
Azərbaycan atıcıları Olimpiya Təsnifat Çempionatında çıxış edəcəklər
-
13:46
Andersson azarkeşlərə səsləndi: “Boykot narazılığı ifadə etmək üçün ən yaxşı üsul deyil”
-
13:39
“Bojoviçin komandada qalıb-qalmaması mənim fikrimdən asılı olacaq”
-
13:28
“Neftçi”nin idman direktoru maaşını açıqlamaq istəmədi
-
13:20
Yens Andersson: “Sizə söz verə bilmərəm ki, qruplarda oynayacağıq”
-
12:57
"Qəbələ" Abu Akalla vidalaşdı
-
11:14
XXXI turun hakim təyinatları
-
10:31
Azərbaycanın stolüstü tennisçisi beynəlxalq turnirdə bürünc medal qazanıb
-
10:06
Mükafatlar uğrunda oyunların tarixləri müəyyənləşib
-
09:49
"Aston Villa" penatilərlə mərhələ adladı VİDEO
-
09:28
"Fənərbaxça" Konfrans Liqası ilə vidalaşdı VİDEO
-
09:10
İddiaçılar Turniri: Nicat Abasov yenə də uduzdu
-
19:01
“Turan Tovuz” azarkeşlərə səsləndi: Finala bərabər son 6 oyun! VİDEO
-
18:49
“Dinamo” - “Qusar” matçında 4 qol
-
18:16
I Liqada 22-ci tura yekun vuruldu
-
17:32
“Sumqayıt” “Turan Tovuz”la oyuna hazırdır FOTOLENT
-
16:55
Azərbaycan çempionatında ikinci finalçı müəyyənləşib
-
16:24
Hakimlər “kimə işləyir”? - Araşdırma
-
15:47
U-17 millisinin heyətində dəyişiklik
-
15:33
"Neftçi" Zirə” səfərinə hazırlaşır FOTOLENT
-
15:00
Tovuz stadionu ilk dəfə avrokubok oyununu qəbul edə bilər
-
14:28
Azərbaycan şahmatçıları Avropa çempionatında iştirak edəcəklər
-
14:11
Azərbaycanlı hakim Paralimpiadanın cüdo yarışlarına dəvət alıb
-
13:39
Azərbaycan Şahmat Federasiyası yeni loqonun hazırlanması ilə bağlı müsabiqə elan edib
-
13:08
AFFA İntizam Komitəsi iki kluba texniki məğlubiyyət verib
-
12:52
Adi Mehremiçə 4 oyunluq cəza