Prokuror Neymar üçün 2 illik həbs istədi

Braziliya millisinin hücumçusu Neymarın “Barselona”ya transferi ilə bağlı məhkəmə prosesi davam edir.

Futbolxeber.az saytının məlumatına görə, prokuror Neymarın 2 illik həbsini istəyib.

Bundan başqa, futbolçunun atasına, klubun sabiq prezidenti Sandro Rosselə və Neymarın keçmiş və indiki klublarına qarşı da ittihamlar irəli sürülüb.

Rossel üçün 5 illik həbs istənilib. “Barselona”nın isə 8,4 milyon avro cərimələnməsi tələb edilib.

Məhkəmə hesab edir ki, ittiham olunanlar daha əvvəl Neymarın transfer hüquqlarının 40 faizinə sahib olan DİS şirkətini aldadıblar.