“Anderlext” Bakıya məğlub gəlir

Avroliqada “Qəbələ”nin rəqibi olan “Anderlext” Belçika çempionatında növbəti oyununa çıxıb.

Futbolxeber.az saytının məlumatına görə, Brüssel təmsilçisi 15-ci tur çərçivəsində səfərdə “Zulta Varegem”in qonağı olub.

Matç “Anderlext”in 2:3 hesablı məğlubiyyəti ilə başa çatıb. Bu yenilgidən sonra 5-ci pilləyə yuvarlanan “Qəbələ”nin rəqibinin aktivində 25 xal var.

Xatırladaq ki, Avroliqanın qrup mərhələsinin V turunda “Anderlext” noyabrın 24-də Bakıda “Qəbələ”nin qonağı olacaq.