“Qızıl top”a namizədlərin sayı 10-a çatdı

2016-cı ildə “Qızıl top”a namizəd olan futbolçulardan daha beşinin adı açıqlanıb. Futbolxeber.az saytının məlumatına görə, ilin ən yaxşı futbolçusu adına namizədlər Kevin de Bruyne (“Mançester Siti”), Paulo Dibala, Qonsalo İquain (“Yuventus”), Dieqo Qodin, Antuan Qrizmanndı (hər ikisi “Atletiko”).

Xatırladaq ki, buna qədər Kriştianu Ronaldo, Qaret Beyl (hər ikisi “Real”), Canluici Buffon (“Yuventus”), Serxio Aquero (“Mançester Siti”) və Pyer-Emerik Obameyanqın (“Borussiya”, Dortmund) da “Qızıl top”a namizəd olduğu müəyyənləşmişdi.

Digər 20 namizədin adı da tezliklə açıqlanacaq.

Xatırladaq ki, ötən il “Qızıl top”u Lionel Messi qazanıb. “Barselona”nın hücumçusu Ronaldo və komanda yoldaşı Neymarı qabaqlayıb.