“Qızıl top”a ilk 5 namizədin adı açıqlandı

2016-cı ildə “Qızıl top”a namizəd olan futbolçulardan ilk beşinin adı açıqlanıb. Futbolxeber.az saytının məlumatına görə, ilin ən yaxşı futbolçusu adına namizədlər Kriştianu Ronaldo, Qaret Beyl (hər ikisi “Real”), Canluici Buffon (“Yuventus”), Serxio Aquero (“Mançester Siti”) və Pyer-Emerik Obameyanqdı (“Borussiya”, Dortmund).  

Digər 25 namizədin adı da tezliklə açıqlanacaq.

Xatırladaq ki, ötən il “Qızıl top”u Lionel Messi qazanıb. “Barselona”nın hücumçusu Ronaldo və komanda yoldaşı Neymarı qabaqlayıb.