“Olimpiakos” “Qarabağ”ın yolu ilə getdi

Avroliqanın qrup mərhələsində “Qarabağ”la eyni qrupda yer alan klublar bu gün ölkə çempionatında növbəti matçlarını keçiriblər.

Futbolxeber.az saytının məlumatına görə, “Qarabağ”a uduzan PAOK “Olimpiakos”la matçda da xal qazana bilməyib. Baxmayaraq ki, PAOK matça yaxşı başlayıb. Belə ki, 6-cı dəqiqədə Varela Saloniki təmsilçisini hesabda önə keçirib. Lakin az sonra PAOK-un üzvü avtoqol müəllifi olub. Görüşün 90+6-cı dəqiqəsində isə “Olimpiakos” qələbə qolunu vurub - 2:1. 6 oyundan sonra 8 xalı olan PAOK turnir cədvəlində 7-cidi.

“Slovan” Çexiya çempionatının 11-ci turunda “Hradec Kralove”ni 2:0 hesabı ilə üstələyib. Bartlın dublu Liberets klubuna qələbə qazandırıb. 12 xalı olan “Slovan” turnir cəvəlində 11-ci yeri tutur.

“Fiorentina” isə “A” seriyasının 9-cu turunda “Kalyari”ni 5:3 hesabı ilə məğlub edib. Florensiya klubuna qələbə gətirən qollar Kaliniç (3) və Bernardeski (2) vurub. Bu qələbədən sonra “Florensiya” 12 xalla 11-ci yeri tutur.