“Qəbələ”nin rəqiblərindən yalnız “Sent-Etyen” sevindi

Avroliqanın qrup mərhələsində “Qəbələ” ilə eyni qrupda yer alan komandalar ölkə çempionatında növbəti oyunlarını keçiriblər.

Futbolxeber.az saytının məlumatına görə, oktyabrın 20-dı “Qəbələ”ni məğlub edən “Sent Etyen” eyni uğuru Fransa çempionatında da təkrarlayıb. Yalnız fərq ondadır ki, “Kann”la səfərdə oyununda “Sent-Etyen” 3 xalı 2 cavabsız qolla qazanıb. Xallarının sayını 16-ya çatdıran “Sent-Etyen” turnir cədvəlində 7-ci yeri tutur.

Bundesliqanın 8-ci turunda “Maynts” səfərdə “Şalke”yə 0:3 hesabı ilə uduzub. 11 xalı olan “Maynts” 9-cu pillədə qərarlaşıb.

“Anderlext” 11-ci tur çərçivəsində son çempion “Brügge”yə səfərdə 1:2 hesabı ilə boyun əyib. 21 xala malik Brüssel klubu turnir cədvəlində üçüncüdür.