"İnter" kapitanı ilə yeni müqavilə imzaladı

Xavyer Zanetti "İnter"dəki çıxışını davam etdirəcək. Futbolxeber.az-ın məlumatına görə, 39 yaşlı futbolçu komanda ilə müqaviləsini yeniləyib. Sözləşməyə əsasən, argentinalı müdafiəçi daha bir il Milan təmsilçisinin şərəfini qoruyacaq. Zanetti bu haqda klubun rəsmi saytına verdiyi açıqlamada deyib: "Mənə göstərdikləri inama görə klub rəhbərliyinə minnətdaram. Bu məsələni müzakirə etdik və qərara gəldik ki, əməkdaşlığı daha 1 il davam etdirək. Meydanda klubun mənə olan etimadını doğrultmağa çalışacağam. Son həftələr mənə verdikləri dəstəyə görə azarkeşlərə də minnətdaram".